IDS | Activity

Activity

Dairy Industry Development Project News

د ختیځ لبنیاتو د شیدو فابریکه په ۲۴ ساعتونو کې د ۱۰ زره لیتره شیدو د پروسس ظرفیت لري . په ننګرهار ولایت کې د ختیځ لبنیاتو د شیدو د پروسس فابریکې مسؤل ډاکټرظفر ساپی وایي د شیدو د پروسس له دغه فابریکې څخه نهه ډوله بېلابېل توکې د تولید وروسته بازار ته وړاندې کوي . نوموړی دغه څرګندونې په داسې حال کې وکړې،چې د ننګرهار والي سلیم خان کندوزي د یادې فابریکې له تولیداتو او چارو څخه نن د مرغومې په ۳۰مه لیدنه ترسره کوله. د یادې فابریکې مشر وایي دغه فابريکې سره ۱۵ سوه تنه مالداران ثبت شوي چې د خپلو مالونو شیدې یادې فابریکې ته راوړي،چې د یوې اونۍ په ترڅ کې دوی له دغه لارې شاوخوا اته سوه زره افغانۍ عواید ترلاسه کوي هغه زیاته کړه، د شيدو د پروسس فابریکه په ۲۴ ساعتونو کې د لس زره ليترو شيدو د پروسس ظرفيت لري،خو په بازار کې د مارکيټ او فابریکه کې د برېښنا د نشتوالې د ستونزې له امله دمګړۍ ۱۷ سوه لیتره شیدې په څلرویشت ساعتونو کې پروسس کوي. نوموړي وويل، چې د شيدو دغه کارخانه په عصري ډول جوړه شوې، چې شيدې څو ځله د لابراتورا څخه تيريږي او تر تصفيې وروسته بيا دولس ډوله خوارکي توکي ترې جوړيږي. ډاکټرظفر ساپي وایي په دغه فابریکه کې له شیدو څخه پنير، کوچ، ماسته، پيروی، پاکټي شيدې، چکه او ايسکريم جوړوي،چې له بهرنیو لبنیاتو یې کیفیت ډیر لوړ دی . نوموړي زياته کړه، د زراعت وزارت د دغې فابريکې د شيدو د پروسس په ترڅ کې په اونۍ کې اته سوه زره افغانۍ مالدارانو ته ورکوي،خو که ولايتي اداره ورته اسانتياوې برابرې کړي د اولس سوه شيدو پروسس به لس زره ليترو ته ورسيږي. د ننګرهار والي سلیم خان کندوزي د ختيځ لبنياتو پروسس فابریکې څخه د ليدنې پرمهال خوښي څرګنده کړه، چې په ترڅ کې ۱۵ سوه تنو مالدارانو د شيدو اخيستلو ته زمينه برابره شوېده او تر پروسس وروسته مالدارانو ته د شیدو ګټې پيسې ورکول کيږي. د ننګرهار والي ډاډ ورکړ، چې د ښار په بېلابېلو واټونو کې به د ختيځ لبنياتو د مغازو د جوړولو لپاره ښاروالۍ ته لارښوونه وکړي او همدا راز یې د برېښنا ستونزې په حل کې هم ورسره د همکارۍ ژمنه وکړه. په همدې حال کې د ننګرهار والي د ټولو هېوادوالو څخه غوښتنه وکړه، چې د خپلو داخلي توليداتو څخه ګټه واخلي او همدا راز له شتمنو څخه یې په دغه ولایت کې په ورته نورو برخو کې د پانګې اچونې غوښتنه وکړه.

September 2017
M	T	W	T	F	S	S
« Sep
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30